vo Freestyler

Martin Bommeli

für Freestyler

T-Shirts

Sit Aafang 2017 sind die erste T-Shirts in Grössi M, L und XL erhältlich. Fals dich für eis intressiersch oder Teil vom MB Brand werde wetsch, chasch mir es Mail mache. Jedes Shirt chostet CHF 30. De “Gwünn” devo flüsst jewiels i die nöchst Kollektion.

De Slogan isch "vo Freestyler, für Freestyler". All T-Shirts werded demendsprächend vo Freestyler für Freestyler designt. Egal ob Graffiti-Künstler, Blader, Breakdancer, Freerunner, Skateboarder...

Ich setze d'Shirts ide Schwiiz um. Sie werded under Fairtade, ökologieschä und soziale Verantwortig produziert: Fair Wear Foundation, Carbon footprint reduction und Biobaumwolle (GOTS).

Fair Wear Foundation Carbon footprint reduction Global Organic Textile Standards (GOTS) Confidence in Textiles

YouTube Channel

Glich wie bi de T-Shirts gaht's au bi mim YouTube Channel um de Slogan "vo Freestyler, für Freestyler". So findsch z.B. e Playlist mit Videos vo Schwizer Skateparks (Parkviews). D'Clips sölled dezue animiere neui, grossartigi Skateparks kennezlerne oder eifach wieder mal eine z'bsueche. Dä Channel git's sit 2007. Mis Ziel für d'Zuekunft isch es meh Ziit z'investiere und demendsprächend meh Inhält z'produzierä.

Webdesign und Development

Vo 2002 bis 2016 han ich i diverse Agenture gschaffed und unter anderem Websites entwicklet. Es paar Projekt us dere Ziit findsch uf minre alte Website. Aktuell schaff i nüme im Webbusiness und programmier demensprechend au nüme. Was i jedoch na mache sind Usability-Tests für Agenturene.

Martin Bommeli

Min Name isch Martin Bommmeli, ha Jahrgang 85 und ufgwachse bin i im schöne Züri-Oberland. Die meiste kenned mi entweder über d'Arbet als frontend engineer oder ir Freiziit als Rollerblader.